逾40年歷史！海洋公園宣佈取消海洋劇場　改為近距離觀察海豚

繼早前全球知名嘅旅遊網站TripAdvisor（貓途鷹）同旗下子公司都宣布會停售海洋世界嘅門票之後，全球唔少海洋世界都紛紛表示支持。

喺香港已有40幾年歷史，其中海洋劇場係園內最經典嘅設施，相信唔少有去過海洋公園嘅人都必定有睇過，令人印象深刻嘅必定係自1979年至1997年劇場中嘅台柱殺人鯨海威小姐。

而海洋公園尋日就宣佈樂園中嘅多年嚟嘅海洋劇場「海洋奇遇」即將取消並改建為新嘅多用途表演場館。

Photo from shutterstock

海洋公園指，為迎合新嘅發展藍圖，現時嘅海洋劇場將會改建成多用途表演場館。

Photo from shutterstock

至於海豚等嘅海洋哺乳類動物就會遷移至探險家海岸嘅新展館。

Photo from shutterstock

新展館會提供一個為海洋動物度身訂造、適合多品種共同棲息的環境，訪客可在喺新展館中近距離欣賞及了解佢喺嘅水中嘅生活，從而做到保護海洋和海洋生態系統。

Photo from shutterstock

另外，海洋公園喺未來嘅發展藍圖中，亦宣佈會取消12個老化設施，當中包括經典機動遊戲「瘋狂過山車」、「滑浪飛船」等。

Photo from shutterstock

經典機動遊戲並唔係即日就會關閉，所以大家想影相留念都仲有時間㗎～

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）